Beyonce publikon filmin “Black is King”, sërish vishet nga stilistë shqiptarë


Beyonce ka publikuar pak ditë më parë filmin e shkurtër “Black is King”. Në formën e një albumi vizual, me këngë të fuqishme dhe performancë, artistja bën një rrëfim të vecantë , ku tregon elementë të historisë së njerëzve me ngjyrë dhe traditës afrikane.

Për këtë projekt të rëndësishëm, diva e muzikës ka zgjedhur të veshë edhe disa krijime nga stilistë shqiptarë. Bëhet fjalë për “Kujta & Meri”, me të cilët Beyonce nuk bashkëpunon për herë të parë. Stilistët me anë të një postimi në Instagram kanë treguar se si ishte kjo eksperiencë për ta, ndërkohë që tregojnë edhe “veprën” e tyre dhe si duket artistja me të.

Aspak i lehtë, por shumë motivues, ka qenë rrugëtimi për krijimin e disa veshjeve të filmit të shkurtër të Beyonce-s “Black is King”. Pamja e divës me “Kujta & Meri” ka qenë, deri tani, perla më e çmuar që kemi prekur dhe krijuar me duart tona të palodhshme. Beyonce ti do të jesh motivimi ynë i pafund në krijimin e artit dhe avancimin e talentit tonë përtej oqeanit. Krijimtaria jonë në shërbimin tënd është dëshmia jonë më e madhe! I adhurojmë njerëzit si ty!“- shkruajnë stilistët shqiptarë.

 

Vërtetë një super punë kjo nga “Kujta &Meri” për Beyonce-n, ndërkohë kujtojmë se në të shkuarën këngëtarja ka veshur edhe krijimet e Valdrin Sahitit. Pra mund të themi me siguri që kjo nuk do të jetë hera e fundit që do të “vishet shqip”.

/News31.al


Beyonce publikon filmin “Black is King”, sërish vishet nga stilistë shqiptarë

log in

Captcha!

reset password

Back to
log in